छत्तीसगढ़ सरकार के सुशासन तिहार मा मिलत हे आम नागरिक मन ला हितग्राही मूलक योजना के लाभ
पाटन : जनपद पंचायत पाटन अंतर्गत में अवैया ग्राम पंचायत पंदर मा जनपद पंचायत पाटन के तत्वाधान मा शासन के दिशा निर्देश मा सुशासन तिहार समाधान शिविर के आयोजन 21मई के करेगिस जेमा 8 ले 11 अप्रैल ले मिले 3576 आवेदनों के निराकरण कारेगिस साथे मा समाधान शिविर मा 212 आवेदन नवा घलो मिलीस जेकर निराकरण करेबर संबंधित विभाग ला भेजेगिस।एकठन जानकारी अऊ मिलेहे की सुशासन तिहार मा पटवारी ला हटाय के आवेदन देगेहे।
आप मन ला बतातावत खुशी होवत है कि छत्तीसगढ़ शासन के द्वारा आयोजित सुशासन तिहार समाधान शिविर मा हितग्राही मूलक योजना के लाभ घलो आम नागरिक, किसान मन ला मिलीस जेमा राशन कार्ड ,जॉब कार्ड, घर के पट्टा ,प्रधानमंत्री आवास प्रमाण पत्र अऊ मछुआरा मन ला मछली जाल आइस बॉक्स घलो मिलिस उही बेरा मा छोटे-छोटे लाइका मन ला सुपोषण आहार आय अतिथि मन के द्वारा वितरण घलो करेगिस।
कार्यक्रम मा प्रमुख रूप ले जनपद पंचायत पाटन के अध्यक्ष श्रीमती कीर्ति नायक, उपाध्यक्ष कमलेश्वर वर्मा, जिला पंचायत सभापति नीलम राजेश चंद्राकर, जिला पंचायत सभापति प्रतिनिधि नारद साहू, सभापति खेमलाल देशहलहारा, पाटन मंडल अध्यक्ष श्रीमती रानी केशव बंछोर,मंडल अध्यक्ष जामगांव आर कमलेश साहू, पूर्व मंडल अध्यक्ष लालेश्वर साहू, बाबा वर्मा अऊ अन्य जनप्रतिनिधि अऊ एसडीएम पाटन, तहसीलदार श्रीमती मीना साहू, नायब तहसीलदार मनोज रस्तोगी, भूपेंद्र सिंह अऊ जनपद पंचायत पाटन के अधिकारी कर्मचारी मौजूद रिहिन मंच संचालन शिक्षक मोहित शर्मा के द्वारा ले कारेगिस।
