सुशासन तिहार समाधान शिविर मा विभिन्न विभाग के द्वारा देगिस पात्र हितग्राही ला प्रमाण पत्र,श्रम विभाग हा शिविर लगा के भी नई दिस श्रमिक कार्ड

करन साहू, पाटन 27 मई : छत्तीसगढ़ शासन के निर्देश मा जनपद पंचायत पाटन में अवैया गांव ग्राम पंचायत तरीघाट मा सुशासन तिहार समाधान शिविर के आयोजन करेगिस जेमा जिला अऊ ब्लॉक स्तर के विभाग के अधिकारी कर्मचारी मा शिविर में स्टॉल लगा के आम जनता मन के समस्या ला समाधान करे के कोशिश करिस साथ मा छत्तीसगढ़ सरकार के जन कल्याणकारी योजना के जानकारी घलो आम नागरिक मन ला उपस्थित जनप्रतिनिधि मन के द्वारा देगिस साथे साथ विभिन्न विभाग के समस्या ला समाधान करके हाथों-हाथ प्रमाण पत्र ला घलो वितरण करेगिस हाबे।

फेर समाधान शिविर मा श्रम विभाग हा सिर्फ स्टॉल लगाए रिहीस कोनो हितग्राही ला प्रमाण पत्र श्रमिक कार्ड नई दिस,जेकर चर्चा आम जनता मन के बीच होवत रीहिस कोई पूछत रीहिस ता प्रमाण पत्र चॉइस सेंटर ले निकाले बर बोल दिस। अऊ पंजीयन नंबर ला देदीस।

शिविर मा प्रमुख रूप ले जिला पंचायत सभापति श्रीमती कल्पना नारद साहू, जिला पंचायत सभापति श्रीमती नीलम राजेश चंद्राकर, जनपद पंचायत पाटन के अध्यक्ष श्रीमती कीर्ति नायक, उपाध्यक्ष कमलेश वर्मा, सभापति रवि सिन्हा, खेमलाल देशहलहारा,सीता निषाद ,भावना निषाद, रश्मि,कुशुमलता, दुलौरीन यादव अऊ अन्य जनप्रतिनिधि अऊ विभागीय अधिकारी कर्मचारी मन उपस्थित रीहिस।

कार्यक्रम ला शुरू छत्तीसगढ़ महतारी के तैल चित्र में माल्यार्पण करके करेगिस तेकर बाद बारी-बारी ले सबों अतिथि मन आम नागरिक मन ला संबोधित करिस ओकर बाद ड्राइविंग लाइसेंस ,राशन कार्ड, जॉब कार्ड, केसीसी लोन, ट्राईसाईकिल अऊ महिला बाल विकास द्वारा गोद भराई ,मत्स्य विभाग के द्वारा मछुआरा मन ला आइस बॉक्स,जाल के वितरण घलो अतिथि मन के हाथों करवाए गिस। समाधान शिविर मा तीर तखार के सरपंच पंच अऊ ग्रामीण जन बड़ी संख्या मा उपस्थित रिहीन।

जनपद अध्यक्ष श्रीमती कीर्ति नायक हा मीडिया के सवाल मा किहिस की अवइया बेरा मा योजना में कुछ बदलाव होही तब बाचे खुचे पात्र लोगन मन ला लाभ मिलही उही प्रकार के महतारी वंदन योजना में घलो आवेदन बहुत ज्यादा आवत हे वेबसाइट खुलही ता महतारी मन ला घलो योजना के लाभ मिलही।

ग्राम पंचायत तरीघाट के सरपंच श्रीमती चंद्रिका साहू हा सब अतिथि मन के अऊ सबो विभाग के अधिकारी कर्मचारी अऊ नागरिक मन ला समाधान शिविर मा आके सफल बनाईस तेकरसेती हृदय से आभार प्रकट करिस। कार्यक्रम के संचालन शिक्षक मोहित शर्मा हा करिस।