श्रमजीवी पत्रकार संघ पाटन के तत्वधान म सड़क सुरक्षा अभियान अऊ करियर गाइडेंस के कार्यक्रम संपन्न होइस
वरिष्ठ पत्रकार अनिल साहू के नेतृत्व म दु सौ लोगन मन ल बाटिन हे हेलमेट
रानीतराई 30 अगस्त: पाटन छत्तीसगढ़ श्रमजीवी पत्रकार संघ पाटन के तत्वधान म 29 अगस्त दिन सुकरार के सड़क सुरक्षा अभियान अऊ हेलमेट बांटे के संग संग करियर गाइडेंस के प्रोग्राम घलो रखे गे रीहिस।कार्यक्रम ल ए के गोयल पब्लिक स्कूल म रखे रिहीन।कार्यक्रम म दुर्ग जिला पुलिस अधीक्षक विजय अग्रवाल ह बतौर मुख्य अतिथि के रूप म उपस्थित रिहीन।
स्कूल के लाइका मन ल करियर गाइडेंस के बारे म जानकारी दिस संग म मुख्य अतिथि के हाथ ले जम्मो मनखे मन ल हेलमेट दे,गीस। जेमा पत्रकार संगवारी अऊ आम आदमी मन ल फायदा मिलिस।
श्रमजीवी पत्रकार संघ पाटन के ब्लॉक अध्यक्ष अनिल साहू ह जानकारी शेयर करीस हे अऊ काहत हे अतका बड़का कार्यक्रम पहली बार पाटन म होइस जेमा अनुविभाग के जम्मो पत्रकार मन शामिल होइन सबो जन ल सड़क सुरक्षा अभियान के तहत हेलमेट देगीस संग म दु सौ आम आदमी मन ल घलो हेलमेट देगीस।
कार्यक्रम म प्रमुख रूप ले सुश्री ऋचा मिश्रा अतिरिक्त पुलिस अधीक्षक यातायात दुर्ग, अनूप लकड़ा एसडीओपी पाटन,अशोक गोयल डायरेक्टर ए के गोयल पब्लिक स्कूल पाटन मौजूद रिहीन।
कार्यक्रम ल सफल बनाए बर वरिष्ठ पत्रकार विक्रम शाह ठाकुर,अजय यादव अऊ ललित साहू जिला अध्यक्ष श्रमजीव पत्रकार संघ दुर्ग,राजकुमार सिंह जिला सलाहकार श्रमजीव पत्रकार संघ,रोशन सिंह बंबोडे, वैभव चंद्राकर, ईश्वर साहू,कुलदीप वैष्णव, भूषण देशलहरा, शैलेन्द्र साहू,कुंजलाल भारती, अश्वनी जांगड़े,रवि सेन, बी आर साहू,कोमल वैष्णव, हमीद खान, ऐश्वर्या नवरात्रि, खूबी राम साहू,हरीश साहू, यूसुफ खान सहित अन्य पत्रकार अऊ आम आदमी मन शामिल होइन।
