नारी शक्ति वंदन अधिनियम ले लोकतंत्र होही मजबूत, प्रधान मंत्री मोदी ला शुक्रिया ,आभार– कल्पना नारद साहू
पाटन। केंद्र सरकार दुवारा पास करे गे ऐतिहासिक नारी शक्ति वंदन अधिनियम बर देश के यशस्वी प्रधानमंत्री माननीय श्री नरेंद्र मोदी जी ला हृदय ले आभार अऊ धन्यवाद देत, पाटन विधानसभा क्षेत्र के जिला पंचायत सभापति दुर्ग श्रीमती कल्पना नारद साहू कहिन के ये अधिनियम देश के महतारी मन ला राजनीति म सशक्त प्रतिनिधित्व देय के दिशा म एक क्रांतिकारी कदम हवय। ये ले भारत के लोकतंत्र अउ ज्यादा समावेशी अऊ मजबूत होही।
श्रीमती साहू ये घलो कहिन के प्रधानमंत्री श्री नरेंद्र मोदी जी के नेतृत्व म महिला मन ला समाज के हर क्षेत्र म आगू बढ़ाय के जऊन संकल्प ले गे हवय, वो अब साकार होवत दिखत हवय। नारी शक्ति वंदन अधिनियम ले महिला मन ला लोकसभा अऊ विधानसभा म आरक्षण मिलही, जेन ले वो मन निर्णय लेय के प्रक्रिया म अपन भागीदारी निभा सकही।
आगे ओमन कहिन के बरसों ले लंबित ये मांग ला पूरा करके प्रधानमंत्री जी देश के करोड़ों महिला मन के सम्मान अऊ अधिकार ला नई पहचान दे हवंय। ये ले महिला मन के आत्मविश्वास बढ़ही अऊ समाज के विकास म ओमन के सक्रिय भागीदारी सुनिश्चित होही।
श्रीमती कल्पना नारद साहू कहिन के जब महिला मन राजनीति म आगू बढ़हीं, त शिक्षा, स्वास्थ्य, सुरक्षा अऊ सामाजिक न्याय जइसने मुद्दा मन म अउ ज्यादा संवेदनशील अऊ प्रभावी फैसला ले जा सकही, जेन ले देश के समग्र विकास ला नई गति मिलही।
ओमन सबो महिला मन ले आह्वान करिन के ये मौका के पूरा लाभ लेके लोकतांत्रिक प्रक्रिया म सक्रिय भागीदारी निभावंव अऊ देश निर्माण म अपन महत्वपूर्ण भूमिका अदा करव।
अंत म ओमन फिर ले प्रधानमंत्री श्री नरेंद्र मोदी जी के आभार जतावत कहिन के ये अधिनियम आगू चलके भारत ला महिला सशक्तिकरण के क्षेत्र म दुनिया के अग्रणी देश मन के कतार म खड़ा करही।
