अमलेश्वरकुम्हारीखेती किसानी के गोठचरौदाछत्तीसगढ़जामगांव आरदुर्ग भिलाईदेश दुनियाधमतरीपाटनबालोदबिलासपुरभिलाई 3राजनांदगांवरानीतराईरायपुरसेलूद
पाटन इलाका मं पानी के भारी संकट, भूपेश बघेल करे तांदुला जलाशय ले पानी छोड़े के मांग
पाटन। विधानसभा क्षेत्र पाटन मं बढ़त गरमी के चलते अब पेयजल अऊ निस्तारी के गंभीर समस्या खड़ा हो गे हवय। ए मामला मं क्षेत्र के विधायक अऊ पूर्व मुख्यमंत्री भूपेश बघेल कलेक्टर, जिला दुर्ग ला चिट्ठी लिखके तांदुला जलाशय ले पानी छोड़े के मांग करे हें।
जारी चिट्ठी मं कहे गेय हवय के विधानसभा क्षेत्र क्रमांक 62 पाटन के कई गांव मं भीषण गरमी के कारण पानी के संकट दिन-ब-दिन गहिरात जावत हवय, जेन ले आम जनता के जनजीवन बुरी तरह प्रभावित होवत हवय। गांव मं जलस्तर लगातार नीचे गिरत जावत हवय, जेन से लोगन ला भारी दिक्कत के सामना करना पड़त हवय।
पूर्व मुख्यमंत्री भूपेश बघेल जिला प्रशासन ले आग्रह करे हें के जनहित ला ध्यान मं रखके तांदुला जलाशय ले जल्द से जल्द पानी छोड़ा जावय, ताकि इलाका के लोगन ला राहत मिल सकय अऊ पेयजल संकट ले छुटकारा मिल सकय।
Advertisement
