भ्रामक खबर फैलाके सस्ती लोकप्रियता कमाय के कोसिस, असामाजिक तत्व मन के कारनामी उजागर
पाटन – नगर पंचायत पाटन के वार्ड क्रमांक 11 मं नल के पानी मं कीड़ा आवत हे कहिके एक भ्रामक अऊ झूठ खबर असामाजिक तत्व मन द्वारा फैलाय गीस। ये मामला के जानकारी मिलते ही नगर पंचायत अध्यक्ष श्री योगेश निक्की भाले अऊ मुख्य नगर पालिका अधिकारी तुरते मौके मं पहुंच के निरीक्षण करिन अऊ स्थिति के जायजा लिहिन।
जांच के दौरान पानी के सप्लाई पूरी तरह सामान्य पाए गीस अऊ वार्ड के रहइया मन घलो कऊनो प्रकार के दिक्कत या शिकायत होय ला साफ इंकार करिन। ये बात ले साफ होगे कि फैलाय गे खबर पूरी तरह निराधार अऊ भ्रामक रहिस।
अध्यक्ष श्री योगेश निक्की भाले नगरवासी मन ले अपील करत कहिन कि अगर कऊनो भी प्रकार के समस्या होथे, त सीधे ओखर मोबाइल नंबर +91 9981009682 मं संपर्क करके जानकारी देवंव। वो मन सब्बो नागरिक मन ले ए भी कहिन कि ऐसे असामाजिक तत्व मन के बहकावा मं नइ आंवव अऊ सही जानकारी के भरोसा करव।
ओखर संग-संग नागरिक मन अपन सुझाव घलो ए नंबर मं दे सकथें।
ज्ञात होवय कि जेन व्यक्ति द्वारा ये भ्रामक खबर फैलाय गीस, ओकर ऊपर नगर पंचायत पाटन मं संपत्तिकर अऊ जलकर के रूप मं ₹41,399 के बकाया रकम हे।
ए दौरान अध्यक्ष श्री योगेश निक्की भाले, मुख्य नगर पालिका अधिकारी श्री हेमंत वर्मा, सभापति श्री केवल देवांगन, श्री जितेन्द्र निर्मलकर, श्री देवेन्द्र ठाकुर, पार्षद श्री चंद्रप्रकाश ‘बिज्जू’ देवांगन सहित जलकार्य विभाग के कर्मचारी अऊ वार्डवासी मन उपस्थित रहिन अऊ नागरिक मन ले पूछताछ करके जानकारी ली गीस।
