जामगांव एम मं चंद्रनाहू कुर्मी क्षत्रिय चंद्राकर समाज दुर्गराज के 56वां विशाल महाअधिवेशन के आयोजन
पाटन। जामगांव एम मं चंद्रनाहू कुर्मी क्षत्रिय चंद्राकर समाज दुर्गराज के गौरव अउ एकता ला मजबूत बनाय बर 56वां विशाल महाअधिवेशन के आयोजन 5 अप्रैल, रविवार के दिन करे जावत हवय।
उपक्षेत्र जामगांव एम के अध्यक्ष लोकमनी चंद्राकर बताइन कि ए महाअधिवेशन मं प्रदेश के प्रतिष्ठित जनप्रतिनिधि मन के गरिमामय उपस्थिति रहिही। पहिली सत्र मं मुख्य अतिथि के रूप मं छत्तीसगढ़ शासन के उपमुख्यमंत्री मान विजय शर्मा जी, अध्यक्षता दुर्गराज के अध्यक्ष प्रदीप चंद्राकर जी करहीं। विशेष अतिथि के रूप मं मान विजय बघेल जी (सांसद, दुर्ग), मान ललित चंद्राकर जी (उपाध्यक्ष, पिछड़ा वर्ग आयोग छत्तीसगढ़ शासन) अउ विधायक दुर्ग ग्रामीण सहित अनेको अतिथि मन शामिल रहिहीं।
दूसर सत्र मं मुख्य अतिथि के रूप मं मान भूपेश बघेल जी (पूर्व मुख्यमंत्री छत्तीसगढ़ शासन अउ विधायक पाटन) के उपस्थिति रहिही। कार्यक्रम के अध्यक्षता प्रदीप चंद्राकर जी (अध्यक्ष, दुर्गराज) करहीं अउ संग मं अनेको सामाजिक पदाधिकारी अउ जनप्रतिनिधि मन के गरिमामय उपस्थिति रहिही।
श्री चंद्राकर बताइन कि ए महाअधिवेशन मं समाज के संगठन, शिक्षा, युवा सशक्तिकरण, महिला उत्थान अउ आर्थिक उन्नति जइसने महत्वपूर्ण विषय मन ऊपर चर्चा होही। कार्यक्रम के मुख्य उद्देश्य समाज ला मुख्यधारा संग जोड़ना, महिला, युवा, किसान अउ व्यापारी वर्ग के सक्रिय भागीदारी सुनिश्चित करना अउ सामाजिक एकता ला मजबूत बनाय हवय।
आप सब्बो झन ले सादर निवेदन हवय कि जियादा ले जियादा संख्या मं पहुंच के ए महाअधिवेशन ला सफल बनावव अउ समाज के एकता अउ ताकत के परिचय देवव।
