असोगा म श्रीमद् भागवत महापुराण कथा के भव्य आयोजन, श्रद्धालु मन म उमंग अउ भक्ति के माहौल

रानीतराई/असोगा । ग्राम असोगा म देवांगन परिवार के सौजन्य ले चलत श्रीमद् भागवत महापुराण कथा म कथावाचक अंजू शर्मा ह भगवान श्रीकृष्ण अउ सुदामा के भावुक प्रसंग सुनाइन। कथा दरमियान श्रद्धालु मन जयकारा लगाके फूल वर्षा करत भक्ति म लीन दिखिन।

नगर पालिका परिषद अम्लेश्वर डीह म 10 ले 18 अप्रैल तक श्रीमद् भागवत महापुराण कथा के आयोजन होवत हे। कथा वाचक रही छत्तीसगढ़ के सुप्रसिद्ध कथा वाचक पंडित कामता प्रसाद शरण।

कथावाचक अंजू शर्मा ह कहिन कि सत्संग ले मनखे ला जीवन जीए के सही राह मिलथे। आज के समय म श्रीकृष्ण अउ सुदामा जइसन सच्चा मितानी दुर्लभ होगे हे। ओमन कहिन कि जीवन म कुछ पाय बर हे त सत्संग म जरूर भाग लेवय, काबर कि गुरु बिना ज्ञान मिलना संभव नई हे।

ओमन आगे कहिन कि सत्संग ले मिलय प्रेरणा मनखे ला अज्ञानता ले ज्ञानता के ओर ले जाथे। समाज म फैलत कुरीतियन ला छोड़के आगे बढ़ना जरूरी हे अउ दूसर मनखे ला घलो ए बात बर प्रेरित करना चाही। आज घलो बहुत लोगन अज्ञानता म जीयत हें अउ ज्ञान के बात ले दूर भागथें।

कथावाचक ह कहिन कि कलियुग म मोक्ष के एकेच उपाय भगवान के भजन हे। धर्म लेच दुनिया म शांति अउ मानव कल्याण संभव हे। श्रीमद् भागवत गीता के महत्ता बतावत ओमन कहिन कि जइसे-जइसे हमन गीता के अध्ययन अउ मनन करथन, तइसे-तइसे हमन ओकर गहराई म समात जाथन।

सुदामा प्रसंग के वर्णन करत ओमन बताइन कि जइसेच सुदामा के नाम सुनके द्वारिकाधीश भगवान श्रीकृष्ण नंगे पांव दौड़के अपन मित्र के अगवानी करे बर आइन। भगवान ह अपन मितान ला गले लगाके राजमहल म ले गइन अउ खुदे ओकर पांव धोइन। ए घटना ले ये संदेश मिलथे कि सच्चा प्रेम धन लेच मनखे अमीर होथे, धन-दौलत ले नई।

कथा के भावपूर्ण प्रस्तुति ले उपस्थित श्रद्धालु मन भाव-विभोर हो गइन। ओमन कहिन कि श्रीमद् भागवत कथा ले भक्ति, ज्ञान अउ वैराग्य के भाव उत्पन्न होथे।

ए अवसर म जनपद सदस्य रश्मि वर्मा, विधायक प्रतिनिधि अशोक साहू, कांग्रेस कमेटी अध्यक्ष राजेश ठाकुर, देवनारायण भाले, फूलचंद देवांगन, बालमुकुंद वर्मा, रामसिंह अंगारे, रामाधार साहू, द्रोपदी साहू, रमेश साहू, परमानंद साहू, सरपंच जानकी चोपड़िया, दिलीप देवांगन, सुभाष देवांगन सहित बड़ी संख्या म श्रद्धालु मन उपस्थित रहिन।