सुशासन तिहार समाधान शिविर मं जादा ले जादा संख्या मं पहुंचव, अपन समस्या अउ आवेदन देवव – कल्पना नारद साहू
जामगांव आर, 03 जून। छत्तीसगढ़ शासन के सुशासन तिहार के तहत आज 03 जून ला दक्षिण पाटन क्षेत्र के ग्राम जामगांव आर मं आयोजित समाधान शिविर मं क्षेत्रवासी मन अधिक से अधिक संख्या मं शामिल होके अपन समस्या मन के जानकारी ब्लॉक स्तर के अधिकारी मन ला देवयं अउ ओकर समाधान पावयं।
जिला पंचायत क्षेत्र क्रमांक 12 के जिला पंचायत सभापति कल्पना नारद साहू ह क्षेत्र के नागरिक मन ले अपील करत कहिन कि शासन के ए जनहितकारी शिविर के भरपूर लाभ लेवं अउ अपन गांव-मोहल्ला के मूलभूत सुविधा अउ रोजमर्रा के समस्या मन से संबंधित आवेदन प्रस्तुत करव।
ओमन बताइन कि शिविर मं अलग-अलग विभाग के अधिकारी अउ कर्मचारी उपस्थित रहिहीं, जिहां पेयजल, सड़क, नाली, सफाई व्यवस्था, बिजली, राशन कार्ड, पेंशन, आवास, स्वास्थ्य, शिक्षा, राजस्व सहित अन्य विभाग मन से जुड़े समस्या अउ मांग संबंधी आवेदन स्वीकार करे जाही। प्राप्त आवेदन मन ऊपर आवश्यक जांच अउ कार्यवाही घलो सुनिश्चित करे जाही।
श्रीमती साहू कहिन कि एक जनप्रतिनिधि के रूप मं जनता के समस्या के समाधान अउ क्षेत्र के समग्र विकास उनकर सर्वोच्च प्राथमिकता हे। ओमन क्षेत्र के लोगन मन ला अपन आसपास के नागरिक मन तक कार्यक्रम के जानकारी पहुंचाय बर अउ अधिक से अधिक संख्या मं उपस्थित होके शासन के ए महत्वपूर्ण पहल ला सफल बनाय बर आग्रह करिन।
ओमन ए घलो जानकारी दिन कि वो खुद कार्यक्रम स्थल मं उपस्थित रहिहीं अउ आम जनता के समस्या अउ आवेदन संबंधी हर संभव सहयोग प्रदान करहीं।
