दरबार मोखली मंडल मं भाजपा के 47वां स्थापना दिवस धूमधाम ले मनाय गीस
पाटन। भारतीय जनता पार्टी दरबार मोखली मंडल मं आज मंडल स्तरीय भाजपा के 47वां स्थापना दिवस गांव भंसुली के भाजपा कार्यालय मं बड़े हर्षोल्लास के संग मनाय गीस। कार्यक्रम के सुरुवात भारत माता, पंडित दीनदयाल उपाध्याय जी अऊ डॉ. श्यामप्रसाद मुखर्जी के तेलचित्र मं माल्यार्पण करके अऊ भाजपा के ध्वज के ध्वजारोहण करके करे गीस।
मंडल अध्यक्ष ज्योति प्रकाश साहू अपन स्वागत भाषण मं भाजपा के संघर्ष के दिन ले लेके अब तक के उपलब्धि के बारे मं जानकारी दिस।
वरिष्ठ भाजपा नेता पोसुराम निर्मलकर जी अपन अनुभव साझा करत कार्यकर्ता मन ला मार्गदर्शन दीन। ओमन कहिन कि 6 अप्रैल 1980 ला भारतीय जनता पार्टी के स्थापना होइस, जेन के पहिली अध्यक्ष अटल बिहारी वाजपेई जी रहिन। ओ बखत संसाधन के कमी रहिस, फेर पंडित दीनदयाल उपाध्याय जी अऊ डॉ. श्यामप्रसाद मुखर्जी के अंत्योदय अऊ एकात्म मानववाद के विचार के संग पार्टी आज 2 सीट ले बढ़के दुनिया के सबसे बड़े राजनीतिक संगठन बन गे हवय, जेमे कार्यकर्ता मन के मेहनत अऊ जनता के भरोसा के अहम भूमिका हवय।
कार्यक्रम ला जिला महिला मोर्चा के उपाध्यक्ष श्रीमती चंद्रिका साहू घलो संबोधित करिन अऊ अपन विचार रखिन।
कार्यक्रम के संचालन मंडल महामंत्री डॉ. सुरेश साहू करिन। आभार अऊ समापन के घोषणा मंडल उपाध्यक्ष नीलमणि साहू जी करिन।
ए अवसर मं ग्राम पंचायत भंसुली के सरपंच श्रीमती भगवती साहू, ओबीसी मोर्चा अध्यक्ष दानी राम वर्मा, युवा मोर्चा अध्यक्ष पुष्कर साहू, महिला मोर्चा अध्यक्ष श्रीमती सविता साहू, सोशल मीडिया प्रभारी तरुण चंद्राकर, पूर्व जनपद सदस्य गेंदलाल डहरिया, सेवा सहकारी समिति के अध्यक्ष तुकेश निर्मल, अंगेश सिंहा, प्रेमलाल साहू, मुकेश साहू, उपसरपंच पदमन साहू, महेंद्र साहू, पिंशु महिलांगे, चित्रसेन साहू, पोषण लाल साहू, ठाकुर राम यादव सहित भारी संख्या मं भाजपा कार्यकर्ता मन उपस्थिति रहीन।
