नगर पंचायत पाटन के ₹46.39 करोड़ के बजट पेश — विकास ला मिलही नवा रफ्तार : नेहा बाबा वर्मा
पाटन। नगर पंचायत पाटन के परिषद बैठक म वित्तीय वर्ष 2026-27 बर ₹46 करोड़ 39 लाख 73 हजार के बजट ला नगर पंचायत अध्यक्ष योगेश निक्की भाले के द्वारा पेश करे गीस। ए बजट म नगर के सर्वांगीण विकास ला ध्यान म रखके अलग-अलग महत्वपूर्ण योजना अऊ बुनियादी सुविधा के विस्तार म खास जोर दे गे हवय।
बैठक म पेश बजट ला नगर के विकास खातिर बहुत जरूरी बतावत, नगर पंचायत पाटन के सभापति अऊ वार्ड क्रमांक 4 अखरा के पार्षद नेहा बाबा वर्मा कहिन के ए बजट ले नगर ला नवा दिशा अऊ रफ्तार मिलही। उनकर कहना हवय के ए बजट के माध्यम ले सड़क, नाली, पीयजल, सफाई अऊ लाइट व्यवस्था जइसने मूलभूत सुविधा मन ला अउ मजबूत करे जाही अऊ नागरिक मन ला बेहतर सुविधा मिलही।
नेहा बाबा वर्मा आगू कहिन के नगर के समग्र विकास खातिर जनप्रतिनिधि अऊ प्रशासन के बीच अच्छा तालमेल जरूरी हवय। बजट के सही तरीका ले क्रियान्वयन होही त पाटन ला एक व्यवस्थित अऊ विकसित नगर के रूप म स्थापित करे म मदद मिलही। उनकर उम्मीद हवय के सबो पार्षद अऊ अधिकारी मन के सहयोग ले बजट म शामिल योजना मन ला समय म जमीन म उतारे जाही।
परिषद बैठक म दूसर जनप्रतिनिधि मन घलो अपन-अपन वार्ड के विकास से जुड़े सुझाव रखिन, जेन ऊपर सकारात्मक चर्चा करत ओकरा बजट म शामिल करे बर विचार करे।
