अमलेश्वर मं भाजपा स्थापना दिवस समारोह धूमधाम ले मनाय गीस, अतिथि मन के गरिमामय उपस्थिति मं कार्यक्रम सम्पन्न,होईस उन्नत किसान मन के सम्मान 

अमलेश्वर। अमलेश्वर भाजपा मंडल के द्वारा भाजपा स्थापना दिवस के अवसर मं अटल व्यावसायिक परिसर मैदान, मंडल अध्यक्ष कमलेश चंद्राकर के अध्यक्षता मं भव्य कार्यक्रम आयोजित कर सम्पन्न करे गीस।

कार्यक्रम मं मुख्य अतिथि के रूप मं जिला पंचायत सभापति श्रीमती नीलम राजेश चंद्राकर उपस्थित रहिन। विशिष्ट अतिथि के रूप मं पालिका अध्यक्ष दयानंद सोनकर, जनपद सांसद प्रतिनिधि राजेश चंद्राकर, ओबीसी मोर्चा जिला महामंत्री सुरेंद्र साहू, उपाध्यक्ष धर्मेंद्र सोनकर, मंडल महामंत्री कैलाश यादव, धर्मेंद्र कौशिक, युवा मोर्चा अध्यक्ष रवि सिंगौर, महिला मंडल अध्यक्ष मधुकांता साहू, सरपंच श्रीमती गायत्री साहू, पुर्व जनपद डॉ धनश्याम कौशिक,पार्षद डॉ आलोक पाल, राजू सोनकर, किसान मोर्चा अध्यक्ष अजीत ठाकुर, जनक साहू, फेरहा राम धीवर, शिवा साहू, खूबी राम साहू, कुमार साहू, मनोहर साहू, रामाधार साहू, अशोक निषाद,कमलेश साहू, ओमप्रकाश साहू, सुमीत टिकरीहा, कुंज साहू,सहित अनेक प्रकोष्ठ सदस्य अऊ पदाधिकारी मन उपस्थित रहिन। कार्यक्रम के मंच संचालन मंडल महामंत्री कैलाश यादव के द्वारा करे गीस।

कार्यक्रम के शुरुआत अटल व्यावसायिक परिसर मं स्थित अटल जी के मूर्ति मं दीप प्रज्वलित अऊ पुष्पांजलि अर्पित करके करे गीस। एखर बाद मुख्य अतिथि अऊ विशिष्ट अतिथि मन के स्वागत मंडल के पदाधिकारी अऊ कार्यकर्ता मन के द्वारा गरिमामय ढंग ले करे गीस।

मुख्य अतिथि अऊ विशिष्ट अतिथि मन अपन उद्बोधन मं भाजपा के स्थापना दिवस (06 अप्रैल 1980) ले लेके आज तक के सफर, अऊ दुनिया के सबसे बड़े राजनीतिक दल के रूप मं पार्टी के योगदान ऊपर विस्तार ले प्रकाश डारिन। संग ही प्रधानमंत्री नरेंद्र मोदी के नेतृत्व मं देश मं होवत विकास अऊ उपलब्धि मन के भी उल्लेख करिन।

कार्यक्रम मं पालिका क्षेत्र के 5 उन्नत किसान मन के सम्मान मंडल अध्यक्ष अऊ पदाधिकारी मन के द्वारा करे गीस।

ए कार्यक्रम मं भाजपा अमलेश्वर मंडल के कार्यकर्ता अऊ पदाधिकारी मन सहित भारी संख्या मं कार्यकर्ता मन के उपस्थिति रहिस, जिहां सबो झन पार्टी के विचारधारा ला जन-जन तक पहुंचाय के संकल्प दोहराइन।