दरबार मोखली मंडल मं पुष्कर साहू बनिन युवा मोर्चा अध्यक्ष, कार्यकर्ता मन मं भारी उत्साह
दुर्ग। भारतीय जनता युवा मोर्चा (भाजयुमो) जिला दुर्ग के द्वारा मंडल अध्यक्ष मन के नई सूची जारी करे गीस। ए सूची मं दरबार मोखली मंडल ले पुष्कर साहू ला अध्यक्ष के जिम्मेदारी सौंपे गीस।
जिला दुर्ग भाजयुमो के जारी सूची मं दरबार मोखली मंडल के ग्राम धौराभाठा के रहइया पुष्कर साहू ला मंडल युवा मोर्चा अध्यक्ष बनाय गीस। ओकर नियुक्ति के बाद इलाका के कार्यकर्ता अऊ युवा मन मं भारी खुशी अऊ उत्साह देखे ला मिलत हे।
पुष्कर साहू लंबे बखत ले संगठन मं सक्रिय रूप ले काम करत आथे अऊ समाजिक अऊ राजनैतिक गतिविधि मन मं घलो ओकर भागीदारी रहिस हे। संगठन बर ओकर निष्ठा अऊ काम के तरीका ला देखत, ओकर ऊपर ए महत्वपूर्ण जिम्मेदारी सौंपे गीस हे।स्थानीय कार्यकर्ता मन कहिन के पुष्कर साहू के नेतृत्व मं दरबार मोखली मंडल मं संगठन अउ मजबूत होही अऊ युवा मन ला जोड़े के काम तेजी ले आगू बढ़ही।
दुर्ग सांसद विजय बघेल, भाजपा जिला अध्यक्ष सुरेंद्र कौशिक, भाजयुमो जिला अध्यक्ष हिमांशु सिंह, जिला पंचायत सभापति कल्पना नारद साहू, प्रभारी मंत्री जितेंद्र वर्मा, दरबार मोखली मंडल अध्यक्ष ज्योति प्रकाश साहू, महामंत्री सुरेश साहू अऊ भागवत सिंह सहित अनेकों जनप्रतिनिधि अऊ कार्यकर्ता मन नव नियुक्त अध्यक्ष ला बधाई देके संगठन ला मजबूत बनाय बर आह्वान करिन।
