भाजपा स्थापना दिवस के महापर्व धूमधाम ले मनाय गीस, कीर्ति नायक के अगुवई मं कार्यकर्ता मन के उत्साह देखे ल मिलिस
पाटन। जनपद पंचायत पाटन के अध्यक्ष श्रीमती कीर्ति नायक ह अपन गृह ग्राम बटंग मं भाजपा के स्थापना दिवस के महापर्व ला बड़े ही उत्साह अऊ गरिमा के संग मनाइन। ए कार्यक्रम मं बूथ क्रमांक 58 अऊ 59 के कार्यकर्ता मन बढ़-चढ़ के हिस्सा लिन।
कार्यक्रम के दौरान पार्टी के सिद्धांत, विचारधारा अऊ देश के विकास मं भाजपा के भूमिका ऊपर विस्तार ले गोठ-बात होइस। श्रीमती नायक ह कार्यकर्ता मन ला संबोधित करत कहिन कि संगठन ला मजबूत बनाय बर, बूथ स्तर मं सक्रियता अऊ जनसेवा सबसे जरूरी हवय।
कार्यक्रम मं शामिल सब्बो कार्यकर्ता मन पार्टी ला अउ मजबूत बनाय अऊ सरकार के जनकल्याणकारी योजना मन ला गांव-गांव अऊ हर आदमी तक पहुंचाय के संकल्प लिन।
ए अवसर मं श्री कोमल वर्मा, शंभू दास बैरागी, कमलेश पठारी, तोरण साहू, अशोक निषाद, मीरा वर्मा, सियाराम साहू, मनोहर साहू अऊ प्रेमलाल वर्मा सहित भाजपा के अनेक कार्यकर्ता अऊ ग्रामीण मन भारी संख्या मं मौजूद रहिन।
सब्बो झन एकजुट होके पार्टी के विचारधारा ला जन-जन तक पहुंचाय के संकल्प ला फेर दोहराइन।
