भाजपा स्थापना दिवस म भिलाई–3 म चना अऊ शरबत वितरण, सेवा के संदेश देइन कार्यकर्ता

भिलाई–3। भारतीय जनता पार्टी के स्थापना दिवस के अवसर म भाजपा भिलाई–3 मंडल के द्वारा सेवा अऊ समर्पण के भावना संग शासकीय अस्पताल भिलाई–3 के आगू राहगीर अऊ भिलाई वासी मन ला चना मशाला अऊ शरबत वितरण करे के कार्यक्रम रखे गीस।

ए कार्यक्रम भाजपा जिला प्रवक्ता प्रेम लाल साहू, मंडल अध्यक्ष वरुण यादव, मंडल उपाध्यक्ष रवि नाहर अऊ मंडल महामंत्री समीर अग्रवाल के विशेष सहयोग ले सफलतापूर्वक संपन्न होइस।

कार्यक्रम म मुख्य रूप ले भाजपा जिला महामंत्री मनीष अग्रवाल अऊ श्रीमती सुषमा जेठानी, जिला प्रवक्ता प्रेम लाल साहू, ओबीसी मोर्चा प्रदेश महामंत्री उपकार चंद्राकर, पूर्व नपाध्यक्ष श्रीमती सीता साहू, वरिष्ठ भाजपा नेता डॉ. राधे श्याम वर्मा, निगम उपनेता प्रतिपक्ष राम खिलावन वर्मा, पूर्व जिला मंत्री दिलीप पटेल उपस्थित रहिन।

कार्यक्रम के सुरुवात म सबसे पहिली भाजपा ध्वज के आरोहण करे गीस, तऊन बाद दीप प्रज्वलित करके कार्यक्रम के शुभारंभ करे गीस।

ए अवसर म अपन उद्बोधन म प्रेम लाल साहू कहिन कि भारतीय जनता पार्टी सिरिफ एक राजनीतिक दल नई, बल्कि सेवा, समर्पण अऊ राष्ट्र निर्माण के संकल्प आय। स्थापना दिवस म जरूरतमंद मन के सेवा करना पार्टी के असली पहचान आय। ओ मन कार्यकर्ता मन ला समाज के आखिरी व्यक्ति तक सेवा पहुंचाय के आह्वान करिन।

ओबीसी मोर्चा प्रदेश महामंत्री उपकार चंद्राकर कहिन कि भाजपा के हर एक कार्यकर्ता “सेवा ही संगठन” के मूल मंत्र ला अपनाके काम करथे। अइसने कार्यक्रम समाज म सकारात्मक संदेश देथे अऊ पार्टी के जनसेवा के प्रतिबद्धता ला दर्शाथे।

मंडल अध्यक्ष वरुण यादव कहिन कि भाजपा के स्थापना दिवस हमन सबो बर प्रेरणा के दिन आय, जऊन हमन ला संगठन के मजबूती अऊ समाज सेवा म निरंतर लगे रहय के संकल्प दिलाथे। ओ मन सब्बो कार्यकर्ता मन के आभार जताइन अऊ आगू घलो अइसने सेवा कार्य करत रहय के बात कहिन।

कार्यक्रम के संचालन श्याम सुंदर जायसवाल के द्वारा करे गीस अऊ आखिर म आभार प्रदर्शन रवि नाहर करिन।

ए अवसर म जिला अनुसूचित जनजाति मोर्चा अध्यक्ष तुलसी ध्रुव, सांसद प्रतिनिधि विपिन चंद्राकर, ज्ञानदास मानिकपुरी, राजेंद्र साहू, बालमुकुंद वर्मा, प्रेमलता चंद्राकर, गुरुचरण सिंह, हामिद अहमद शाह, जानकी अग्रवाल, कांति सिंह, पद्मिनी साहू, सुश्री गीता वर्मा, श्रीमती रीना चंद्राकर, श्रीमती पूजा शर्मा, तेजेश्वर पाल, अजय साहू, महेंद्र साहू, बालमुकुंद वर्मा, राजेंद्र सोनी, बल्लू राम कुर्रे, संदीप पाली, सुशील शर्मा, लोकेश्वर कोसरे, मुकेश अग्रवाल, सुनील मिश्रा, महेश सोना, हुपेंद्र चंद्रा, अभिषेक शर्मा, श्रीमती तुलसी मरकाम, प्रदीप जैन, वोमन निर्मलकर, पी. एन. शर्मा, लवकुश स्वर्णकार सहित भारी संख्या म कार्यकर्ता मन उपस्थित रहिन।