आत्महत्या के प्रयास ला रोक के जान बचाय मं पाटन के अध्यक्ष योगेश निक्की भाले अऊ होकर टीम ला दुर्ग एसपी के सम्मान

पाटन। पाटन नगर के भीतर एक नागरिक द्वारा शनिवार के दिन दुपहरिया करीबन 1:00 बजे फांसी लगाके आत्महत्या करे के कोसिस करत रहिस। एही बखत नगर पंचायत अध्यक्ष योगेश निक्की भाले अपन उपाध्यक्ष अउ पार्षद मन के टीम संग रायपुर ले पाटन लहुटत रहिन।

रास्ता मं घटना ला देखके अध्यक्ष योगेश निक्की भाले तुरंत गाड़ी रोकिन अउ अपन टीम संग मौके मं पहुंचके तत्परता दिखात युवक के जान बचाइन। समय मं पहुंचके उनमन बड़े हिम्मत अउ मानवता के परिचय दिन।

ए सराहनीय काम ला देखत दुर्ग जिला के पुलिस अधीक्षक विजय अग्रवाल नगर पंचायत अध्यक्ष योगेश निक्की भाले, उपाध्यक्ष निशा सोनी, सभापति केवल देवांगन, सभापति जितेन्द्र निर्मलकर अउ पार्षद चंद्रप्रकाश देवांगन ला प्रशस्ति पत्र देके सम्मानित करिन। पुलिस विभाग के ओर ले उन मन ला बधई अउ शुभकामना देय गीस।

ए अवसर मं अध्यक्ष योगेश निक्की भाले कहिन के मानव जीवन बहुत अमोल हवय। समय मं अगर हमन ककरो मदद कर सकथन त ओही सबले बड़े सेवा आय। हमन सिरिफ अपन कर्तव्य निभाइन हन। आगे घलो जरूरत पड़ही त हमन हर संभव मदद बर तैयार रहिबो। जनसेवा ही भगवान के सेवा आय।

उंखर कहना रहिस के कऊनो घातक कदम उठाय के पहिले अपन परिवार के बारे मं जरूर सोचव। मरई ले समस्या के हल नई होवय, बल्कि समस्या संग लड़के ओकर समाधान खोजे बर चाही। दुनिया मं अइसन कऊनो समस्या नई हे जेनकर समाधान नई होवय।

ए कार्यक्रम मं सीएसपी रघुनंदन राठौर, पाटन थाना प्रभारी राजेश मिश्रा अउ पुलिस स्टाफ के सदस्य मन घलो उपस्थित रहिन।