पंचायती राज दिवस मं त्रिस्तरी पंचायती राज के जनप्रतिनिधी मन ला श्रीमती कल्पना साहू के बधाई अउ शुभकामना
पाटन। पाटन विधानसभा क्षेत्र के अंतर्गत जिला पंचायत क्षेत्र क्रमांक 12 के जिला पंचायत सभापति श्रीमती कल्पना नारद साहू ह आज 24 अप्रैल, पंचायती राज दिवस के मौका मं पाटन ब्लॉक अउ जिला भर के समस्त त्रिस्तरी पंचायती राज के जनप्रतिनिधी मन ला हार्दिक बधाई अउ शुभकामना दे हवंय।
ओमन अपन संदेश मं कहिन कि त्रिस्तरी पंचायती राज के जनप्रतिनिधी मन लोकतंत्र के मूल भावना अउ भरोसा के अनुसार गांव-गांव मं विकास के काम ला आगू बढ़ावत हवंय अउ जनमानस ला मूलभूत सुविधा उपलब्ध कराय मं महत्वपूर्ण भूमिका निभावत हवंय। ओमन अपन जिम्मेदारी ला पूरी लगन अउ समर्पण के संग निभावत हवंय, जऊन कि बहुते सराहनीय बात हवय।
ए मौका मं श्रीमती कल्पना नारद साहू ह सब्बो जनप्रतिनिधी मन के उज्ज्वल भविष्य के कामना करत कहिन कि ओमन आगू घलो एही प्रकार ले जनसेवा मं समर्पित रहिके गांव के समग्र विकास मं अपन योगदान देवत रहंय।
ओमन ये घलो कहिन कि आज प्रदेश मं ट्रिपल इंजन के सरकार हवय अउ त्रिस्तरी ग्रामीण क्षेत्र मं लोकतंत्र के भरोसा संग पंचायती राज के जनप्रतिनिधी मन काम करत मूलभूत सुविधा देत एक बेहतर छत्तीसगढ़ के निर्माण मं सफल होत हवंय।
